Relato di bishita di SAAC na Radio Krioyo, Radio Hoyer i Radio Paradise yüni 2011

E loke ta remarkabel di tur e tres radionan aki ta ku e lokutornan ku a intrevista SAAC ningun di nan no tabatin konosementu di apnea di soño. (OSA= Obstructive Sleep Apnea)

Na Radio Krioyo nos tabata di bishita serka señora Roosje den su programa di Djasabra tardi diferente.  Sra Roosje a primintí su radiooyentenan ku e ta bai kombersa den su programa tokante di ronkamentu debi na un presentashon ku e la mira na televishon. Sra. Roosje a haña e konseho di un par di hende pa tuma kontakto ku SAAC. Nos di SAAC tin un interes den ronkamentu ora e ta relatá ku apnea di soño. Pero kiko ta ronkamentu: ronkamentu ta un sonido ku un hende ta produsí ora e ta hala rosea durante ku e ta drumi. Mayoria biaha esaki ta sosode ora e ta hala rosea paden e ta kousa vibrashon di e tehido moli den e shelu di boka i uvula.  Esaki por tin diferente kousa. Tur ronkamentu tin obstrukshon inkompletu di e parti ariba di e kanal di hala rosea.

Hopi ronkado tin episodio kaminda e kanal di hala rosea ta blòkeá kompletu hopi biaha pa 10 sekònde òf mas, akinan bo stòp ta hala rosea, e ora ei di ta papia di apnea. E silensio ta sigi hopi biaha dor di bula lanta bringa pa hala rosea.

Señora Roosje tabatin poko pregunta klave ku un hende ku tin apnea di soño por biaha ku e aparato CPAP i kiko nan tin ku hasi ora nan bai hòspital. Por biaha ku e aparato di CPAP (aparato pa tene e kanal di hala rosea habri ora ku hende ta na soño) pa usa e CPAP den avion si ta biahe largu e tin ku drumi abordo di un avion mester indiká e aeroliña na tempu ku bo ke hasi uso di bo CPAP abordo di e avion. Mester duna tur detaye di e aparato manera ki koriente e ta usa etcetera.

Ora ta bai hòspital bo mester bai ku bo CPAP i duna e dòkter i enfermeronan di konose ku bo tin apnea di soño i ku bo ta usa CPAP.

Tantu na Radio Hoyer den e programa di Splendor di dia serka Wendel Martis i Radio Paradise serka Oscar van Dam nan a usá e komunikado di prensa di CPAP i Hòspital komo punto di salida. Nan a konkluí ku e problema di apnea di soño ta basta serio. Akinan nos a kombersá riba kiko ta apnea di soño, ken por haña apnea di soño, ki tratamentu tin pa apnea di soño.

For di e tres entrevistanan aki SAAC tin ku konkluí ku ainda tin hopi hende ku no konose e síndrome di Apnea di soño i su posibel konsekuensianan si no dektektá e síndrome aki

na tempu i ku mester duna mas charla pa konsientisá e pueblo.