Wednesday, May 4, 2011

Relato di bishita di SAAC (Sleep Apnea Association Curaçao) na Z86 den programa “2121” dia 29-4-2011 15.00 pa 17.00


SAAC a haña invitashon djahuebs 28-4-2011 pa presenta serka Sr. Stanley Ignacio den su programa “2121” pa elabora tokante nos organishason SAAC. Djahuebs dia 28-4-2011 Sr. Ignacio tabatin dr. Echague den su programa ku a papia di e syndrome di sleep apnea. Sr. Ignacio a haña ku nos bishita den “2121” ta un bon follow up di e programa ku dr. Echague.


Den e programa aki nos a spliká ku SAAC ta eksistí ofisialmente for di 5 mart 2007 ku su statutonan, pero prome ku e dia ei SAAC tabata aktivo kaba.
Hendenan ku sleep apnea por bira miembro i kontribushon ta 5 florin pa luna. Nos email ta: sleepapnea.cur@gmail.com


Nos a pone enfasis riba e siguiente puntonan ku di vital importansia pa hendenan ku tin problema pa ku drumimentu i ku tin e siguiente síntomanan:
}  Drumi intrankil anochi
}  bula lanta for di soño buska airu pa sigi hala rosea 
}  lanta ku dolo di kabes mainta
}  pega  soño durante dia
}  sinti hopi kansa durante dia
}  lanta ku dolor di kurpa
}  Falta di konsentrashon
}  problemanan  di indulo seksual
}  Lanta varios bia den anochi pa urina
}  Deprimi
}  Rabia lihe
}  Perdida di memoria
}  Peso eksesivo
}  Ronkamentu
Si bo tin e síntomanan aki ta bon pa bo bishita bo dòkter di kas ku ta manda bo un spesialista di pulmon òf spesialista di garganta, nanishi i orea i nan por manda bo bai  analisá si bo tin apnea di soño. Tin 3 tipo di apnea di soño: esun obstruktivo esei ta mayoria hende tin e kanal di rosea ta blokea i bo ta stòp di hala rosea kompletu o parsial; apnea sentral: aki e selebro no ta duna señal na bo spirnan di hala rosea i bo ta stòp di hala rosea 5 pa 10% di hende ku tin apnea di soño tin apnea sentral; apnea miksto: esaki ta un kombinashon di tur dos.


E konsekuensianan di apnea di soño no trata por ta:
}  Problema ku kurason
}  Problema ku pulmon
}  Diabetes
}  Preshon haltu
}  Atake selebral
}  Aksidente den trafiko
}  Aksidente na trabou


Un hende ku tin apnea di soño por ta un peliger pa su mes i pa otro hende por ehempel e ta pega soño ora e ta manehá un auto, e ta pega soño i okashoná aksidente ora e maneha ku makinaria peligroso hasi su mes o otro hende un daño.


A elabora riba e sleeplab ku tin na Curaçao na Taamskliniek ku no ta opershonal ainda. E pakiko ku e no ta operashonal ainda no ta muchu kla. Pasobra te ainda ta afo ta manda hende bai analisá ki problema di soño nan tin ku segun SAAC esei ta sali muchu mas karu ku hasi riba bo mes isla. Bo ta den bo mes ambiente; bo no tin ku bai na un luga straño; bo por papia bo mes idioma, bo ta mas relaha. E peligernan ku bo ta kore ora bo ta afo ta: hasi manera ta un laboratorio di analisa drumimentu nan ta hiba bo pa despues bo resulta otro kaminda; nan ta horta bo etc.


SAAC  a manda un lista di pregunta pa e direktivanan di e 3 hòspitalnan den kual e ta puntra kiko ta e maneho pa nan pashèntnan ku tin aleep apnea i ku ta usa CPAP.  Ku ta permiti uso di CPAP den sala di operashon etc. Nos no a haña kontesta ainda, pero no ta muchu dia pasa ku nos a manda e karta. A sosode den pasado ku nan a ninga uso di CPAP den sala di operashon.


A menshoná tambe ku SAAC tin un reunion general pa su miembronan i pa personanan ku kier bira miembro di SAAC  dia 28 mei 2011 ora i luga lo anunsia despues. Den e reunion aki lo tin un presentashon ku e tópiko: CPAP i hòspital.


Durante di e programa diferente hende a yama pa ekspresa nan prekupashon, o hasi pregunta. Nos a haña asta yamada di Bonaire.


No comments:

Post a Comment