Pa pashènt ku apnea di soño (OSA) tin hopi kos di siña tokante kon trata (OSA). Pashèntnan tin ku kompronde ku tin otro evento o aktividat ku por hasi impakto riba OSA i mester tuma e pasonan nesesario pa garantisá ku ta trata apnea evektivamente. E uso di CPAP durante ku bo ta hòspitalisá ta un aria masha importante.
Pa tratamentu evektivo, pashènt ku OSA mester usa nan CPAP tur momentu ku nan ta drumi. Hopi biaha pashènt ku tin OSA ta laganan CPAP na kas kere ku dòkternan i enfermeronan sa kon manehá OSA. Sinembargo hopi biaha nan ta bin kompronde ku e personal den hòspital no ta na altura kon trata OSA. Si no trata OSA bon durante di estadia den hòspital e por stroba kurá, empeorá dolo, subi preshon, i pone ku e estadia den hòspital ta bira mas largu i tarda rekuperashon. Ta bin aserka ku uso di sierto remedinan pa dolo (droga) i efektonan ku tei despues di narcosis por empeorá OSA.
E boletin aki ta dirigí spesifikamente pa uso di CPAP durante ku bo ta hóspitalisá. Hopi di e kontenido aki tambe ta aplikabel pa un poliklinika di siruhia.
Tratamentu komfortabel di CPAP ta depende di bon uso di bo masker i "headgear".
- Bo a kustumbrá usa bo masker i nan mester permiti bo us’é den hòspital.
- Puntra ku bo por bin ku bo mes aparato di CPAP. Si nan bisa bo ku regla di hòspital ta ku mester usa ekipo di hòspital papia ku bo dòkter (i ku tantu bo siruhano i e dòkter ku ta duna anastesia)pa konfirmá e maneho di e hòspital i puntra si e hòspital tin un formulario ku ta “ Permiti i hasi eksepshon pa uso di aparato mediko pa tratamentu di pashènt” di manera ku bo por usa bo mes ekipo. Dor di usa bo ekipo bo ta sigura un bon tratamentu di bo OSA pa so e ta pone na e preshon eksakto ku bo mester. Ta bin aserka ku hopi pashènt di OSA ta usa aparatonan ku funkshonan spesifiko. (mashinan ku ta ahusta nan mes etc). Si e hòspital no por duna bo e mesun kapasidatnan, bo mester usa bo mes aparato o mester ta kla ku un ekipo diferente ta hasi e mes un trabou ku esun di bo òf e ta duna bo miho benefisio.
- Si e hòspital ta permití pa bo bin ku bo mes ekipo, puntra si e hòspital tin ku inspektá si e ekipo ta funkshoná adekadamente i no ta duna shock i no ta tira chispa. Si bo ekipo mester haña aprobashon, hib’é pa nan wak e prome ku bo ser hòspitalisá. Por ta tin un limiti kuantu dia prome ku bo admishon bo tin ku laga nan kontrolá bo aparato.
- Marka tur bo aparatonan, bo tas di CPAP, bo masker i bo CPAP. Ora bo ta drenta hòspital nan ta pone un banchi di indentifikashon pa bo. Eseinan ta traha hopi bon pa indentiká bo aparatonan; puntra si nan por na bo un par pa bo indentifiká bo aparatonan.
- Si e hòspital no ta permití pa bin ku aparato for di pafo, insistí pa bo usa bo mes masker pa bo por kontrola lèk di airu i pa bo komodidat.
- Durante bo estadia den hòspital, por ta ku bo tin mester di oksígeno. Podise bo masker ta duna posibilidat pa añadí un slan di oksígeno. Si bo masker no tin e posibilidat pa pone un liña di oksígeno, bo por chèk ku bo suministrador di ekipo si e tin un adapter pa konekta e liña di oksígeno. Alternativa ta un slan ku por agrega e liña di oksígeno hopi biaha e hòspital mes tin un ku bo por usa ku bo masker.
- Mustra bo dòkter i e enfermeronan di turno, bo famia i bo amigunan ku ta bishitá bo kon tin ku usa bo aparato. Splika nan ku den kaso ku bo ta drumi o ku bo a haña anastesia bo mester usa bo CPAP.
- Si bo tin ku opera, bisa bo siruhano ku bo tin apnea di soño i ku bo mester di un konsulta ku e dòkter ku ta duna anastesia pa por diskutí ku ne tokante bo apnea di soño i kon e ta ser manehá. Bisa e dòkter ku ta duna anastesia kuantu bo preshon preskribí ta i puntr’é si nan mester di un karta di bo spesialista di soño òf si e mester konsult’é.
- Si e operashon ta rekerí anastesia general nan lo pone un tubu den bo kanal di hala rosea; lo bo no tin mester di bo CPAP durante e tempu ei. Sinembargo manera bo sali for di anastesia general bo mester usa bo CPAP depues ku nan saka e tubu for di bo kanal di hala rosea. Si nan no ta duna bo un tubu den bo kanal di hala rosea i ta ferdof so nan ta ferdof bo, bo mester usa bo CPAP durante henter e operashon. Si nan ta ferdof bo durante di e prosedura kòrda bisa e personal ku bo CPAP mester ta alkansabel durante di henter e operashon.
Imediatamente prome ku bo operashon, e enfermero ta prepara bo pa e operashon. Durante di e preparashon aki, bo siruhano i e dòkter ku ta duna anastesia lo diskutí ku bo e operashon. Na e momento aki kòrda bo dòkter i dòkter ku ta duna anastesia ku bo CPAP mester ta na bo alkanse si bo tin ku use ora nan ferdof bo i ku nan mester kontrolá bo frekuensia di kurason i bo saturashon di oksígeno.
Eksepshon di e infomashon aki riba por ta no ta aplikabel pa sierto operashonan di bo kanal di hala rosea. Bo mester klarifiká esaki ku bo spesialistanan ku ta trata bo i diskutí e ideanan ku bo spesialista di soño.
Ta rekomendá pa print e informashon aki i pa bai ku ne bo siruhano i hòspital.
Fuente: American Sleep Apnea Association
Eksepshon di e infomashon aki riba por ta no ta aplikabel pa sierto operashonan di bo kanal di hala rosea. Bo mester klarifiká esaki ku bo spesialistanan ku ta trata bo i diskutí e ideanan ku bo spesialista di soño.
Ta rekomendá pa print e informashon aki i pa bai ku ne bo siruhano i hòspital.
Fuente: American Sleep Apnea Association
